Гісторыя Беларусі IX-XVIII стагоддзяў. Першакрыніцы.


[1440-1446].VIII.31. Пуня. В.к.л., каралевіч Казімір паведамляе Камянецкаму намесніку Пацу, што перадае Галімонту Узвод, які раней трымалі Ліска з братам.

Месцазнаходжанне арыгінала цяпер невядомае. Арыгінал ("лист зашитый") быў прадстаўлены нашчадкамі Галімонта рэвізору Грыгорыю Валовічу, і тэкст яго быў скапіраваны ў "Реистр списанья и оказыванья привилевъ и листовъ на имѣнья", пачаты 15 мая 1559 г. Па гэтай копіі тэкст граматы надрукаваны ў выданні: Ревизия пущ и переходов звериных в бывшем Великом княжестве Литовском, с присовокуплением привилегий на входы в пущи и на земли. Т. 1. Вильна, 1867. С. 162. Электронная версія зроблена па гэтай публікацыі.

      Панъ Валентый Яновичъ, а панъ Юрій, а Петръ, а Андрей Станиславовичи, а Миколай Яновичъ Кголимонты покладали передо мною листъ зашитый славное памети его милости Казимера королевича, писаный до намѣстника Каменецкого, на имѣнье свое село Узводъ, который такъ ся въ собѣ маеть:


      Отъ великого князя Казимера королевича намѣстнику Каменецкому пану Пацу.
      Што дали были есмо Лисцѣ зъ братомъ Узводъ подъ Кголимонтомъ, и нынѣ отняли есмо отъ Лиски Узводъ и дали есмо опять Кголимонту Узводъ вѣчно и непорушно. А ненадобѣ подъ нимъ никому искати.
      А писанъ у Пуни, августа 31 день.
      Самъ господинъ великій князь.


      За тымъ листомъ съ того имѣнья пановъ Кголимонтовъ села ихъ Узвода входы къ дереву бортному и сѣножатемъ у пусчу его милости господарскую Бѣловижскую, на рѣчцѣ Наровцѣ, подлѣ границы пана Горностаевыхъ людей Минковскихъ и подъ границы Ходосовское, Каменецкое и на Дубинахъ дерево сумежъ зъ деревомъ бортнымъ князя бискупа Луцкого Морозовское. Тое пусчи удолжъ двѣ мили, а впоперекъ три мили. А на рѣчцѣ Наровцѣ избы и сѣножати.

А.Л. Ідэнтыфікацыйны нумар электроннай версіі дакумента: d013 ад 2009.XI.20.






Hosted by uCoz