Гісторыя Беларусі IX-XVIII стагоддзяў. Першакрыніцы.


[1475].VI.03, индиктъ 8. Бярэсце. Кароль Польшчы, в.к.л. Казімір паведамляе маршалку, Гарадзенскаму намесніку Станьку Судзівоевічу, што перадаў Гарадзенскаму ключніку Ваську Аляксандравічу зямлю, якую трымаў нябожчык Ясуд Радунец; а ўдава Ясуда, атрымаўшы ад Ваські Аляксандравіча 10 коп грошай, мае ісці на вотчыну Ясуда ў Радунь.

Месцазнаходжанне арыгінала цяпер невядомае. Арыгінал быў прадстаўлены панам Шымкам Сапоткам рэвізору Грыгорыю Валовічу, і тэкст яго быў скапіраваны ў "Реистр списанья и оказыванья привилевъ и листовъ на имѣнья", пачаты 15 мая 1559 г. Па гэтай копіі тэкст граматы надрукаваны ў выданні: Ревизия пущ и переходов звериных в бывшем Великом княжестве Литовском, с присовокуплением привилегий на входы в пущи и на земли. Т. 1. Вильна, 1867. С. 172-173. Электронная версія зроблена па гэтай публікацыі.

Дата: восьмы індыкт узяты з перыяду, калі Станька Судзівоевіч быў Гарадзенскім намеснікам (1463-1476).

      Панъ Шимко Сопотко покладалъ передо мною два листы: оденъ славное памети его милости короля и великого князя Казимера на землю Ясуду <...> Первый такъ ся въ собѣ маеть:

      Самъ. Казимеръ Божею милостью король польскій, великій князь литовскій, рускій, княжа пруское, жомоитское и иныхъ. Маршалку нашему, намѣстнику Городенскому, пану Станку Судивоевичу.
      Просилъ у насъ Васко Александровичъ, ключникъ Городенскій, [с. 173] земли у Городенскомъ повѣтѣ, што былъ небожчикъ панъ Андрей Довойновичъ отрубилъ пусчи Ясуду Радунцу. То пакъ дей Ясудъ тую землю держалъ, а потомъ кони покралъ. И в томъ ся самъ обѣсилъ. А осталася въ него жона и дѣти. А отчина дей того Ясуда у Радуни. И вжо дей ему и договоръ былъ зъ Ясудовою: мѣлъ ее1 десеть копъ грошей дати.
      Прото ж нынѣ тую землю, што тотъ Ясудъ держалъ, дали есмо Васку ключнику Городенскому со всимъ съ тымъ, какъ тотъ Ясудъ держалъ, а онъ десять копъ грошей маеть дати той Ясудовой.
      А которые поля или сѣножати будеть Ясудовая попродавала, маеть она выкупати тыми грошми. А повыкупивши все, нех дей идеть она съ своими дѣтьми на отчину того Ясуда къ Радуню. А въ тую землю вжо большей того ненадобе уступати ся ее и тымъ дѣтемъ ихъ.
      Писанъ у Берестьи, іюнь 3, индиктъ 8.
      Пн Мх во вл кн пн Гор2.

1 Ее - так у публікацыі. 2 Так у публікацыі: П(а)н М(и)х(аил), во(евода) В(и)л(енский), кн (?) пн (?) Гор (?).

А.Л. Ідэнтыфікацыйны нумар электроннай версіі дакумента: d016 ад 2009.XI.20.






Hosted by uCoz