Гісторыя Беларусі IX-XVIII стагоддзяў. Першакрыніцы.


[1463.III.01-1464.II.29]. Мсціслаўль. Князь Іван Юр'евіч, яго жана княгіня Ульяна і іх дзеці надаюць Мсціслаўскай царкве святой Троіцы даніну - 14 кадзей мёду навечна і жыта 140 бочак.

Месцазнаходжанне арыгінала цяпер невядомае. Копія, па словах І.І. Грыгаровіча, да 1824 г. захоўвалася ў Магілёўскім архіярэйскім архіве: "Сія грамота, въ спискѣ новаго письма, хранится въ Архіерейскомъ архивѣ, подъ № 115". Па гэтай копіі І.І. Грыгаровіч надрукаваў грамату ў выданні: Белорусский архив древних грамот. Ч. 1. Москва, 1824. С. 2-3, № 2 (дата прапанавана: 1463). Электронная версія зроблена паводле гэтай публікацыі. Для зручнасці чытання тэкст разбіты на абзацы. У даце кірылічныя лічбы заменены на арабскія.

      Божію милостію мы, князь Иванъ Юрьевичь, и з княгинею моею Уліаною и з дѣтьми нашими, постановили есмо церковь на дворѣ нашомъ въ Мстиславью во имя пресвятыя Троицы.
      До тые жь церкви, кромъ болшого олтаря, меньшихъ шесть, первый Воскресенія Господня, вторый Благовѣщенія пресвятыя Дѣвы, третій Успеніе пресвятыя Богородицы, четвертый Усекновеніе главы Іоана святого, пятый Исповѣдниковъ святыхъ, шостый святыхъ Кипріана и Устиніи.
      Придали есмо дани ку той же церкве пресвятой Троицѣ и ку тымъ же олтаромь четырнадцать кадей меду вѣчно.
      На Колотовинныхъ дѣтехъ и на ихъ сусѣдяхъ, Подлужы1 пять кадей меду, а две бочки хмелю и пятнадцеть грошей накадныхъ. Тымь де Колотовиннымъ дѣтемъ и сусѣдомъ на насъ службы жадней не служить и жадней дани не давать, але только будуть винны дани до церкви пресвятой Троицѣ оддавать.
      На Супрочаикахъ пять кадей меду, две бочки хмелю, а пятнадцеть грошей накадныхъ. А службу тые служить на насъ повинны вь пораднене.
      На Шашкиничехь три кади меду, хмелю три бочки, а накадныхъ грошей дванадцать. И тые на насъ службу служить повинны будутъ.
      У Вехре на Обушковыхь дѣтехь кадь меду, бочка хмелю и пять грошей накадныхъ. И тые з другими нашыми службу служити повинни.
      И еще есмо придали жыта ярого з гуменъ сто четыредесять бочекъ. А чого не стане во Мстиславью з тыхь ста бочекь и четыредесяти жыта: и крылошаномь церкви пресвятой Троицы тогды, з Княжичъ два рубли грошей взявши, тую дань протопопъ и протодіяконъ взяти маютъ с крылосами, и ровно з свѣщенниками и з діяконами заровно, яко большому, такъ и меншему, дѣлиться повинни будутъ.
      А накадный грошъ пономаромъ Троецкимь належать маеть.
      А коли ся трафитъ кому присяга, тогды присягать нигдѣ не маютъ, одно передь церковію пресвятые Троицы. А коли зась присяга о земле кому сказана будетъ, той на земли присягать повиненъ будетъ.
      А протопопь и протодіяконъ и крылошане маютъ быти готовы въ суботу на вечерни, въ неделю также служити у великого олтаря вси соборомъ, и у олтаря Воскресенія Христова маютъ...2 з діяконами, который з нихъ будеть назначонъ. И они особливые молбы за здоровье наше одправовати маютъ: въ понедѣлокъ разь, во второкъ и вь четвергъ, коли того потреба будетъ, службу Божую за умершихъ одправять, тыхъ, за которыхь хто будетъ потребовать. Въ середу и въ пятницу маетъ ся служба Божія одправовать, и молебны за здоровье наше, а въ пятницу также одправить маютъ. Въ суботу разь у болшого престола и по всихь иныхъ меншихъ престолахъ свѣщенники з діяконы службу Божую за душу родичовъ нашихь спѣвать мають.
      Писанъ во Мстислави, въ лѣто 6971.

1 Подлужы - так у публікацыі І.І. Грыгаровіча. 2 У публікацыі І.І. Грыгаровіча тут пазначана шматкроп'е, што азначае лакуну ў тэксце.

А.Л. Ідэнтыфікацыйны нумар электроннай версіі дакумента: d019 ад 2009.XI.15.






Hosted by uCoz