Гісторыя Беларусі IX-XVIII стагоддзяў. Першакрыніцы.


[1443.III.01 - VIII.31], в лето 6951, индикт 6. Мсціслаўль. Князь Юрый Лінгвеньевіч, яго жонка Соф'я і сын Іван пацвярджаюць фундуш свайго бацькі князя Сямёна Лінгвена манастыру святога Ануфрыя на рацэ Напоце; а яшчэ надаюць манастыру сёлы Галоўчына, Калеснікаўскае, Сельца, Камаровічы; вызначаюць судовую прыналежнасць манастыра і парадак разгляду спраў.

Месцазнаходжанне арыгінала цяпер невядомае. Копія, па словах І.І. Грыгаровіча, была запісана ў адной з кніг Літоўскай метрыкі ў складзе пацверджання караля Польшчы, в.к.л. Уладзіслава IV, а адтуль унесена ў адну з кніг Мсціслаўскага земскага суда: "Выписана изъ подтвердительной грамоты Польскаго короля Владислава IV-го, данной Пинскому и Туровскому епископу Рафаилу Корсаку, въ Вильнѣ, 1633 г. Іюля 11, которая въ оффиціальной выписи изъ Литовской Метрики внесена въ Актовыя книги Мстиславскаго Уѣзднаго Суда". Копія граматы, зробленая І.І. Грыгаровічам альбо адным з яго карэспандэнтаў у першай чвэрці XIX ст., была ўключана ў рукапіс ненадрукаванага 2-га тома "Белорусского архива древних грамот" (цяперашняя сігнатура: Беларускі дзяржаўны архіў-музей літаратуры і мастацтва. Ф. 6, воп. 1, справа 14, арк. 18 - 18 адв., № 9). Па гэтай копіі грамата надрукавана ў выданні: Акты, относящиеся к истории Западной России, собранные и изданные Археографическою комиссиею. Т. 1. 1340-1506. СПб., 1846. С. 57-58, № 43 (дата: 1443). Электронная копія зроблена паводле гэтай публікацыі. Пунктуацыя сучасная. Для лепшага чытання тэкст разбіты на абзацы. Больш дробным шрыфтам дадзена апісанне пячаткі, якое было змешчана, верагодна, у пацверджанні Уладзіслава IV.

Дата: у 1443 г. выбраны перыяд часу, у якім супадалі 6951 сакавіцкі год і шосты індыкт.

      Милостію Божьею, мы, князь Юрей Лингвеневичъ, съ моею кнегинею Софіею и съ нашимъ сыномъ княземъ Иваномъ.
      Посмотрѣли есмо на листъ отца нашого, князя Семена Лингвеня, што поставилъ церковь во имя святого Онофрѣя на рѣцѣ Напотѣ и монастыръ устроилъ общежителный, и подавалъ люди къ тому монастыру, съ пашнями и сѣножатми, и данники съ данью медовою, и съ бортными землями, и съ серебряною данію, съ бобровыми гоны, и со всими приходы, што къ тымъ зѣмлямъ и пашнямъ прислушаеть вѣрно. И мы того ничего не рушили отца нашого приданья.
      Еще есмо милостію Божьею и придали къ тому жъ монастыру, къ святому Онофрѣю, село Головчино, а другое село Колесниковское, съ людми, и съ пашнями и сѣножатми, и со всими приходы, што къ тымъ прислушаеть селомъ.
      А отца нашого приданье, князя Семена Лингвеня, Селце, близко монастыра святого Онофрѣя, съ людми, съ пашнями и сѣножатми, и село Комаровичи, съ данники, съ медовою данью и съ серебрянною, и съ бобровыми гоны, и со всими приходы, што къ тымъ землямъ и пашнямъ здавна прислушаеть.
      Ино што отецъ мой, князь Семен Лингвень, люди и данники [подавалъ], и я, князь Юрей Лингвеневичъ, еще придалъ к тому людей и данники к монастыру святого Онофрѣя: и тыхъ людей монастырскихъ нашимъ намѣстникомъ и тивуномъ и всимъ нашимъ заказникомъ не судить, ани рядить, [с. 58] ни дѣтскихъ не посылать. А на наше дѣло ни на которое не ходить, ни съ сохою, ни съ серпомъ, ни съ топоромъ, и ни подводъ у тыхъ людей не имать. А дачъ на насъ у нихъ никоторыхъ не имать, ни серебщизны, ни ямщины, и никакихъ наметовъ на ихъ не метать, ани вѣсчого, ни помѣрного, ни повозного, никакихъ пошлинъ нашимъ заказникомъ съ тыхъ людей монастырскихъ не имать. Вѣдати тыи люди монастырскіе архимандриту святого Онофрѣя, который коли будетъ служить у святого Онофрѣя. Судить ему и рядить тые люди самому и вси тые дани и дачи и пошлины имать на нихъ, людехъ монастырскихъ, ижь што вышей написаны въ семъ листу, архимандриту Онофрѣевскому.
      А коли митрополитъ поѣдетъ мимо монастыра светого Онофрѣя, ино митрополиту того архимандрита Онофрѣйского не судить, ани рядить, и ни подводъ ему у монастырскихъ людей не имать.
      А владыка который коли будетъ епископію Мстиславскую держать, ино тому владыцѣ того архимандрита Онофрѣйского не судить, ани рядить. Коли кому будетъ до него которое дѣло, ино намъ самымъ того архимандрита Онофрѣйского судить. А будетъ владыцѣ до него дѣло духовное, ино намъ самымъ же со владыкою того архимандрита досмотрѣть.
      А владычнымъ десятникомъ и городскимъ тыхъ людей монастырскихъ въ духовныхъ дѣлѣхъ не судить, ани рядить, и дѣтскихъ не посылать, и винъ не имать на владыку: што въ свитку Ерославли стоить, судить и рядить и вины имать въ духовныхъ судѣхъ на тыхъ людехъ монастырскихъ самому архимандриту, который будетъ служить у святого Онофрѣя.
      А коли будетъ которому человѣку нашому дѣло до монастырского человѣка, ино нашимъ намѣстникомъ и тивуномъ тыхъ людей судить съ архимандритомъ Онофрѣйскимъ. А коли будетъ нашъ человѣкъ правъ, ино пересудомъ дѣлятся наполъ съ архимандритомъ, а вина на монастырскомъ человѣцѣ архимандриту. А будетъ монастырскій человѣкъ правъ, ино увесь пересудъ архимандрита, а вина на нашемъ человѣцѣ намъ.
      Данъ во Мстиславью, лѣта шестьтысячного девятсотъ пятдесятъ первого, индикта шестого.

У того листа печать на шнурѣ едвабномъ червономъ завѣсистая одна.

Падрыхтаваў А. Ліцкевіч. Ідэнтыфікацыйны нумар электроннай версіі дакумента: d006 ад 2009.XI.29.






Hosted by uCoz