Гісторыя Беларусі IX-XVIII стагоддзяў. Першакрыніцы.


Транслітарацыя друкуецца па факсіміле ў выд.: Запаско А.П. Художественное наследие Ивана Федорова (Запаско Я.П. Мистецька спадщина Iвана Федорова). Львов, 1974. С.33, 36.

Гэта першае ў кірылічным кнігавыданні асобнае выданне паэтычнага твору. Адзіны экземпляр захоўваецца ў Расійскай нацыянальнай бібліятэцы. Факсіміле гл.: арк. 1, арк. 1 адв.

Надрадковыя літары пазначаны курсівам. Паерык перададзены літарай ъ. Значком ' перададзены націск у словах, які прысутнічае ў арыгінальным тэксце.

Кото'рого ся м(е)с(е)ца што за стары'хъ | вековъ дѣ'ело коро'ткое описа'нїе |[1]

М(е)с(е)ца сентебра, погебреиску елю'ль, | про'сто вре'сень. |

Двадъцать четве'ртого дня м(е)с(е)ца сенътебра' |
доро'бленъ Еросоли'мъ, ста'лася ре'чъ добра'. |

М(е)с(е)ца октоврїа, погебре'иску тышри, | про'сто паздерникъ. |

Арха з Но'имъ на горе ста'нула на суши, |
другїи пото'пъ не бу'дет, та'къ намъ пи'смо туши. |
Октоврїя 17 дня. |

М(е)с(е)ца ноемврїя, погебреиску марге|оусамъ, просто грудень. |

Жидомъ с(вя)то оуста'вилъ тутъ ц(а)рь Еровоа'мъ, |
мы о свои не дба'емъ, не велми жъ добро намъ. |
Ное'мврїя 15 дня. |

М(е)с(е)ца декаврїа, погебре'иску хашлеу, | просто просинецъ. |

В томъ м(е)с(е)цы I(су)с Х(ристо)с народи'лся намъ, |
не хто иныи, тот изба'вилъ д(у)ши наши самъ. |
Декаврїя 25 дня. |

М(е)с(е)ца генуара, погебрейску тебет, | просто стычень. |

[2][Ч]ужозе'мъскїе мудръцы Х(рист)а привита'ли, |
зла'то, ла'данъ и ми'ру, яко па'ну, дали. |
Генуара 6 дня. |

М(е)с(е)ца февраля, погебреиску себат, | просто лютыи. |

Смотри', якъ то голубка Ноаху служи'ла, |
мы' о Б(ог)а не дба'емъ, только бъ злость плужила. |
Февраля 18 дня. |

М(е)с(е)ца марта, погебреиску адаръ, | просто марецъ. |

Въ томъ месецы Г(оспод)а жиды крижова'ли, |
собѣ лихо, намъ добро тымъ паномъ з(ъ)еднали. |
Марта 25 дня. |

М(е)с(е)ца априля, погебреиску нисан, | просто кветень. |

Жи'дове сухо прошли' Чирвоное море, |
корми'лъ ихъ Б(ог)ъ напущи, не было имъ горе. |
Априля 14 дня. |

М(е)с(е)ца мая, погебреиску ія'ръ, | просто ма'и. |

Но'и а'рху готуетъ Божимъ повеле'нїемъ, |
абы въ пото'пъ не зги'нулъ зъ своим поколеньемъ. |
Мая 10 дня. |

М(е)с(е)ца ію'ня, погебреиску сыванъ, | просто чы'рвецъ. |

Оужо во'ды въсих то'пятъ, Ноах въ кора'бль вошо'лъ. |
Зна'ть, ижъ Б(о)гу кланялъся, прото ласку зна|шо'лъ. |
Ію'ня 27 дня. |

М(е)с(е)ца ію'ля, погебреиску тамус, | просто липецъ. |

Моисїи поби'лъ табли'цы зъ приказа'ньем Б(о)жимъ, |
а мы' грешим што часокъ, ни ся страхом трвожим. |
Ію'ля 17 дня. |

М(е)с(е)ца а'вгуста, погебреиску аовъ | либо авъ, просто серпень. |

Въ то'мъ месецы Ааро'нъ оумеръ, Б(о)жїи ере'и, |
того собѣ наприкла'дъ ты', попе, завъжды меи. |
Августа 1 дня. |

Друковано 5 дня ма'я, року | 1581, въ Острозе. | Писа'нье Андре'я Рымшы.

[1] Назва "Храналогія" дадзена пазнейшымі даследчыкамі. [2] Літара "ч" не чытаецца з-за дэфекту арыгінала.

Падрыхт. А.Л., 2002.






Hosted by uCoz