Гісторыя Беларусі IX-XVIII стагоддзяў. Першакрыніцы.


Помнікі старажытнай беларускай пісьменнасці / Уклад., уступ. артыкулы, каментарыі - канд. філалагічных навук А.Ф. Коршунаў. Мн., 1975.

Лист 20. До панов рад Великого княжества Литовского (9 жніўня 1574).

До панов рад Великого княжества Литовского1

Освецоные а ясневельможные милостивые панове рада Великого княжества Литовского, панове, панове, мои милостивые!

Даю ведать в(ашим) п(анским) м(илостям): сегодня, у понеделок, августа девятого, посланец мой, которогом до их м(илостей) п(анов) посланцов е(го) к(оролевской) м(илости) приставом и проводником аж жо Смоленска послал, тот, зворотилшыся оттоль, дал ми тую справу, иж панове секретары2, посланцы его к(о)р(олевской) м(илости), прышли до Смоленска в середу, августа четвертого. На стречы князя великого... вдячне принятыи там перед Смоленском в семи милях через Михала Третьякова яко и у Смоленску перед местом через дворян князя великого на имя Олизара Ивановича Благого а Рудака Ивановича Черткова, которые, оповедалшы им ласковое от государя своего привитание, и о здоровью е(го) к(оролевской) м(илости), государя нашого милостивого, именем князя великого пытали. И ехали, де, з ними аж до ночлегу, до Околицы Богдановы, за Смоленском сем верст. Там же, де, около стацеи водлуг потребы постановили и дали стацеи и отпочнуть им позволили две ночы; а у пятницу, августа шостого, до Дорогобужья3 з Богдановы Околицы вышли.

В(аши) м(илости), панове мои милостивые, о том ведать рачте!

А яко сами словне панове секретары здесе, у в Орши, мне о то мовили, так и через того посланца моего всказали, абым до в(аших) п(анских) в(ельможностей), моих милостивых панов, писал, аж бы се в(аши) м(илости) рачыли до того ласкаве прычынить, жебы посланец князя великого московского4 з панств его к(о)р(олевской) м(илости) для их прудкое отправы за ними поспешыл.

О князю великом, где бы на тот час был, певности им не поведано, только дано знать, иж по городам своим проежджается, але тот посланец мой певне се выведал, иж, де, в тых часех з Старыцы прыехал до Якимова Почынку. И так се сподевают, же посланцы государские у Якимове Почынку будут прыймованы.

О войсках его певности не слыхать. Одны дают справу, иж одны войска обернул до Инфлянт, а другие, де, еще на берегу (Оки. — А.К.) стоят.

Дали ми справу и лист е(го) к(оролевской) м(илости) панове секретары, в котором е(го) к(оролевская) м(илость) писати до мене рачыть, абым людей служебных, так езных, як и пешых, провожати и потыкати посланцов е(го) к(оролевской) м(илости) до границ с прыставы моими для их беспечности высылал.

Ино, м(и)л(остивыи) панове, я людей служебных за пенези е(го) к(оролевской) м(илости) пры том замку не маю. И яко ж скоро по смерти славное, святое памяти е(го) к(оролевской) м(илости)5, государя нашого милостивого, за приведанем в(аших) м(илостей) всих вобец п(анов) рад ховалэм коней сто и петдесят козаков, которые через два годы и по дись день пры мне се бавят.

И пан писар польный6 пописовал, а заплаты жадное и до того часу не маю, так теж и на себе жадного опатрения. А вси тые уставичные службы мои — все власным грошом моим, заставуючысе з маетностию своею, опатрую и сим послугам государским и в(аших) м(илостей) панов досыть чыню.

А так для пана бога, рачте се надо мною злютовать и обмыслить коло тое нендзы мое и недостатку моего, где маю взяти, а чым то опатровать так велико преважные потребы часов таких непреспечных? Што все милостивому баченю в(аших) п(анских) в(ельможностей) поручылшы, себе з найпокорнейшыми службами моими милостивой ласце и т.д.

Писан у в Оршы, августа 9, року 1574.


1 У выданні Археаграфічнай камісіі гэты Ліст пададзены пад № 15.

2 Маюцца на ўвазе Завадскі і Пратасовіч.

3 Дарагабужжа — старажытны рускі горад, вядомы з 1300 г. З 1404 па 1499 г. знаходзіўся пад уладай Вял. кн. Літоўскага. Па Андросаўскаму мірнаму дагавору 1667 г. канчаткова адышоў да Расіі.

4 Маецца на ўвазе Фёдар Елізаравіч Елчанінаў.

5 Маецца на ўвазе Сігізмунд II Аўгуст.

6 "...писар польный" — саноўнік вайсковага ўрада і чыноўнік самага вышэйшага разраду ў Рэчы Паспалітай. З польных пісараў таго часу нам вядома толькі прозвішча ўжвенцкага цівуна Войцэха Стаброўскага, які з 1574 па 1579 г. быў пісарам польным інфляндскім. Памёр каля 1610 г. Магчыма, што пра яго і вядзе тут гутарку Кміта-Чарнабыльскі.


Hosted by uCoz