Гісторыя Беларусі IX-XVIII стагоддзяў. Першакрыніцы.


Помнікі старажытнай беларускай пісьменнасці / Уклад., уступ. артыкулы, каментарыі - канд. філалагічных навук А.Ф. Коршунаў. Мн., 1975.

Лист 24. До панов рад Великого княжества Литовского (18 верасня 1574).

До панов рад Великого княжества Литовского1

Освецоные а ясневельможные милостивые панове рада Великого княжества Литовского, панове а панове мои милостивые!

Даю ведать в(ашим) п(анским) в(ельможностям), своим милостивым паном: сегодня, в суботу, в ночы сентябра осмогонатцат, третее годины в ноч, з Смоленска воевода смоленский дал ми ведать через писане и посланцы свои, иж государ его, великий князь посланцов е(го) к(оролевской) м(илости), государя нашого, милостиво от себе отпустил и пры них посланника своего на име Петра Давыдова до посланьца своего Федора Елизарева Елчанинова посылает, которые дня завтрешняго, в неделю, сентябра 19, на границах панства е(го) к(оролевской) м(илости) становитисе мают, абым (есьми — А.К.) стречу, корм и подводы напротивку им и купецким людем на тот рок выслал. Што я все сее ж ночы, зготовившы, выслал, яко ж я и лист воеводы смоленского до в(аших) м(илостей) посылам.

В(аши) м(илости), панове мои милостивые, о всем том рачте ведать. С тым жычечы в(ашим) п(анским) м(илостям) и т. д.

Писан у в Оршы, месяца сентябра 18, року 1574.


1 У выданні Археаграфічнай камісіі гэты Ліст не друкаваўся.







Hosted by uCoz