Гісторыя Беларусі IX-XVIII стагоддзяў. Першакрыніцы.


Помнікі старажытнай беларускай пісьменнасці / Уклад., уступ. артыкулы, каментарыі - канд. філалагічных навук А.Ф. Коршунаў. Мн., 1975.

Лист 25. До Миколая Радзивилла, воеводы Виленского (18 верасня 1574).

До Миколая Радзивилла, воеводы Виленского1

Ясневельможный милостивый пане воевода виленский, пане а пане, пане мой милостивый!

Далэм знать вшыстким вобец в(ашим) п(анским) м(илостям), паном своим милостивым, радом е(го) к(оролевской) м(илости), о выйстю з земли неприятельское посланцов е(го) к(оролевской) м(илости). И та ведомость иначей се не отменила, только яко первей (писалэм. — А.К.), ведле писания воеводы смоленского, иж покой зостановен, поки велькие послы е(го) к(оролевской) м(илости) до князя великого сходят. А то таковое писание мое до воеводы смоленского о готовость послов великих и вшистке инне обмовы о посланнику их Елизареву Елчанинову первей през писания мое, в оное нашей трводзе учыненое, а о отправе тей так ласкавей и преткей тым посланьцом к(о)р(оля) е(го) м(илости), яко мам ведомость, не завадили.

С тым жычечы и т. д.

Писан у в Оршы, сентябра осмогонатцат, року 1574.


1 У выданні Археаграфічнай камісіі гэты Ліст не друкаваўся.


Hosted by uCoz