Гісторыя Беларусі IX-XVIII стагоддзяў. Першакрыніцы.


Цуды Святога Міколы ў Лукомлі (канец XIV - пачатак XV ст.)

Тэкст захаваўся ў складзе зборніка "Жыція святых" (на аркушах 171 адв. - 172 адв.) са збору М.М. Ціхамірава (№ 309 паводле каталога), у 1960-х гадах перададзенага Сібірскаму аддзяленню Расійскай акадэміі навук. Зборнік перапісаны ў першай палове XVI ст. Друкуецца паводле выд.: Тихомиров М.Н. Описание Тихомировского собрания рукописей. М., 1968. С. 191-192. Электронная версія: 2008 г.

      Чюдо 11 святого отца Николы

      А се чюдеса новая створилася святого Николы в Литовьской земле при князе Витовте Кестутьевиче в лето 6000 и девятьсотное.
      Явися святыи Николае Парфенью в Лукомвле, вестуа ему тако: Маловер1, спши ли. Он же рече: Нет, господине, не сплю. И рече ему святыи Николае: Знаеше ли мене? Он же рече: Не знаю. И рече: Аз святыи Никола Жидиченскии, и пришел есмь семо в Лукомль, тамо не могу жити погани деля, зане умножися безаконие. И ты повестуй игуменом и попом и всем христианом лукомляном, чтобы поставили церковь в имя мое на том месте у ледника на горке, и хощу зде быти, а то им скажи. А еще иду в Полтеско, умножилась безакониа, целуют крест и изменяють, хощу показнити того. Парфенеи не сказал неделю да почал болети и не ясти, сказал людем, и бысть здрав. И они церковь поставили в том месте да в том часе знамение учинилося.

1 У рукапісе: ниловер [Заўвага М.М. Ціхамірава - А.Л.].

      Чюдо 12 святого отца Николая

      А се чюдо святого Николы Лукомльскаго, иже сътвори чюдеса на принесение честных мощей. Тимофеа простил Бог и святый Николае, боляща ногою 7 лет, из Дорогобужа пришедша. Дементия прости Бог и святыи Николае, от рождества рукою не владеюща. И с Серпьска пришедша Кондрата черньца простил Бог и святыи Николае, болевша очима 6 лет, с Москвы пришедша. Исака простил Бог и святыи Николае, болевша очима и ногама, ис Чавникова пришедша. Озарью простил Бог и святыи Николае, болевша очима 4 лета, из Борисова пришедша. Дементиа Бог простил и святыи Николае, болевше рукою и ногою от рождества своего, пришедша от Смоленска. Феодора простил Бог и святыи Николае, болевше всем телом 8 лет, пришедша из Гливна. Греча простил Бог и святыи Николае, болевша очима 7 лет, пришедша с Лвягза [? - так у публікацыі - А.Л.]. Матфеи простил Бог и святыи Николае, из Словенска пришедша. Стефана прости Бог и святый Николае, болевша очима 30 лет, из Менска. Ермолу пришедша прости Бог и святыи Николае, болевша очима 3 лета, пришедша ис Когана. Федора простил [Бог] и святый Николае, мучима от беса 17 лет, пришедша из Маркова. Ивана простил Бог и святый Николае, рукою и ногою не владеюща 8 лет, пришедша из Дрючска. Сидора простил Бог и святый Николае, болевша очима, пришедша из Орши. Ульяну простил Бог и святый Нико[ла]е, болевша очима 10 лет.







Hosted by uCoz