История Беларуси IX-XVIII веков. Первоисточники.


Нарративные источники, эпиграфика
Документальные, эпистолярные, законодательные источники
Памятники культуры, словесности, философской мысли
Музыка, театр, фольклор || Визуальные материалы
Полезные исторические веб-ресурсы.
Каталог электронных книг, библиография.
Метрика ВКЛ (Литовская Метрика).

Источник: Акафист чесному и въсехвалному пророку Предтечи и Крестителю Господьню Иоанъну поемъ. Вильно, ок. 1522.

Оригинал постранично выложен на сайте "Память России. Славянские издания кирилловского шрифта XV - первой четверти XVI века". http://sun450.agir.ru/rslmes/mydisk/MEMORY/cyril.htm. В послесловии к этому экземпляру имя Скорины выскоблено, вероятно, преднамеренно.

Послесловие приводится по факсимиле, размещенному в издании: Франциск Скорина и его время. Энциклопедический справочник. Мн., 1990 (с. 175).

Транслитерация выполнена О. Лицкевичем в 2002 г. Модернизация страницы - июль 2004 г., март 2010 г.

Эта книга наряду с семью другими акафистами входила в состав "Малой подорожной книжки".

Возможное авторство Скорины установил А.А. Турилов в 1979 году. Данный акафист является акростихом, то есть если сложить первые буквы всех стихов, кондаков и икосов по порядку, то получим фразу: "Писал доктор Скоринич Францискус".

Перу Скорины, возможно, принадлежит и другой акафист - "Акафист Иисусу" (определено по акростиху). Остальные изданные им акафисты известны в восточнославянских списках с XV века.

Вот перечень всех акафистов "Малой подорожной книжки": "Акафист гробу господню", "Акафист архангелу Михаилу", "Акафист Иоанну Предтече", "Акафист Богородице", "Акафист святому Петру и Павлу", "Акафист святому Николе", "Акафист Кресту Господню", "Акафист Иисусу".

Акафист чесному и въсехвалному пророку Предтечи и Крестителю Господьню Иоанъну поем.

[Колонтитул в верхней части страниц:] Радости Іоану Предтечи

Стих 1.

Почитаем славную паметь твою, Богом похваленый Іоанне Г[о]с[по]день Предтече, болей всехъ пророковъ, они же словесы Хр[и]ста проповедаша, ты убо показавый его перстом, г[лаго]ля: сѣ Агнец Божий во земля и грехъ миру, того моли подати намъ велию свою милость.

Стих вторы.

Иже зачатиемъ своимъ отца удивилъ во чрѣве материне, створителя своего позналъ и ко пришествию его, яко Всесветнаго Царя, радость с поклонениемъ показал, тем же достоинъ былъ еси от света незаходимаго светлость приняти и во утробе посвященъ быти, сего ради приносимъ тобѣ радосная, чесный Iоанне Предтече.

Стих трети.

Сам ты, преблаженѣ Iоанне, от ангела имя принял, нарожениемъ своимъ многих людей обвеселилъ, во младости, единый сынъ великаго ерея, Богу послужити изъбралъ, тем же и достойне от него похвален есь, яко не воста в роженых женами более Iоанна Кр[е]ст[ите]ля, того моли подати нам на земли миръ и по смерти ц[а]рство небесное.

Слава.

Ангелское житие явилъ еси въсемъ намъ, пресв[я]тый Крестителю Г[о]с[по]день, и Троицу Живоначалную ясне проповедалъ, Бога Отца слыша гласъ с неба, свиделствуемъ и г[лаго]лющь къ Сыну: ты есь Сынъ мой возлюбленный, в Тобе благоизволихъ, - Бога Сына крещаема и руками осезаема показалъ еси, Бога Св[я]т[а]го Духа виде образомъ, яко голуба, исходяща нань, тем же вси верни навчихомся пети Бога во Троици едина.

I ныне.

Лукавый Иродъ, не хотяй оставити прелюбыдейци, жены брата своего, тобою запрещенъ бывъ, пресладкий учителю Iоанне, повелети в темници затворену, главу всекнут и тую неучтивая плясовица принесе на блюде на проклятое пирование. Мы же видяще яко свет сиающи житие твое и невинное усекновение св[я]тыя главы твоея, воспеваем ти, г[лаго]люще: радуйся, чесный Предтече и Крестителю Господень.

Кондак первы.

Достойны сведетелю Хр[и]стов, о тобѣ убо евангелистъ г[лаго]леть: бысть человекъ посланъ от Бога, имя ему Iоаннъ, сей прииде во свѣдетельство, да свѣдетельствуе[т] о свете, да вси веру имуть ему. Тем же и мы, верующие во Хр[и]ста, по твоему сведетелству поемъ тому вси аллїлуїа.

[Икосъ первы].

О пречудном зачатьи твоемъ, Iоанне, дивяшеся чтемы, явися убо отцу твоему ангелъ Господень, стоя одесную олтяря [так!] кадилнаго, и той смутися видевъ его, и страхъ нападе нань. Рече к нему ангелъ: не бойся, Захария, занужъ услышана естъ молитва твоя и жена твоя Елизаветъ родить сына тобѣ, и наречеши имя ему Иоаннъ, и будеть тобѣ радость и веселие, и мнози о рожестве его возрадуются. Темъ же и мы радующеся, тобѣ радосная приносим, поюще: радуйся, радости многим подателю, радуїсяу [так!], печалей злых отгонителю, радуйся, человече, от Бога посланый ко вернымъ, радуйся, сведетельствовавъ о свете истинномъ. Радуйся, сыну ерея, почину великаго, радуйся, плоде родителя праведнаго. Радуйся, гласе вопиющаго во пустыни, радуйся, веляй уготовати пути Г[о]с[по]дьни. Радуйся, твое зачатие ангел известоваше, радуйся, внегда отець поряду во храме кадяше. Радуйся, ангеле, от Бога посланый, радуйся, пред лицемъ его путь устрояй. Радуйся, чесный Предтече и Крестителю Господень.

Кондак вторы.

Конце всея земли празнують твое, Иоанне, св[я]т[о]е зачатие, во чреве убо материне посвящен еси. Пророку Еремии, о тобе глаголющу, бысть слово Г[о]с[по]дьне. Первее, нежели создах тя во чреве, знах тя и прежде выштия твоего с ложеснъ осв[я]тих тя. Сего ради и мы, празнующе торжество твое и хваляще тя, поемъ Г[о]с[по]ду Богу аллилуїа.

Икосъ вторы.

Тогда Богородица Мария, слышавши от архангела, благовестующа о зачатиї твоем, Iоанне, пресв[я]т[о]е, иде со дщаниемъ во град иудовъ и внииде в домъ Захариинъ и целова Елизавет, и бысть, яко услыша Елисавет целование Мариино, возрадовася младенец во чреве ея. Тем же и мы радосне поемъ тобѣ: радуйся, в животе материне посвященый, радуйся, во втробе Духа Св[я]т[а]го исъполненый. Радуйся, от ангела "Iоаннъ" именован, радуйся, и тым же именемъ от родителей возванъ. Радуйся, сотворителя своего в ложеснахъ материныхъ познавый, радуйся, и пришествию того с радостию ся поклонивый. Радуйся, принявъ светлость от солнеца, радуйся, сроднику Г[о]с[по]да нашего І[су]са. Радуйся, Духа Св[я]та Елизаветъ, мати твоя, исполнена, радуйся, сия благославенну въ женахъ Богородицу повѣдила. Радуйся, для тебе родители твои возвеселишеся, радуйся, и мнози зачатию твоему во старости их дивишеся. Радуйся, чесны Предтече и Кр[е]ст[ите]лю Г[о]с[по]день.

Кондакъ трети.

Оуслышав Захария от ангела о зачатии твоемъ, Iоанне достойне, рече: по чему разумею сее, азъ бо есмъ старъ и жена моя заматеревшая во днехъ своихъ. Отвеща ему ангелъ и рече: азъ есми Гаврїилъ, предстояй предъ Богомъ, и посланъ есмъ благовѣстити тобѣ сия. Слышавъ же таковая, захария воспе сердечне аллилуйа.

Iкосъ трети.

Разумети людие хотяще тайну, видевше отца твоего, Iоанне, Захарию, исходяща от олтаря кадилнаго нема, помышляху, яко видение видяше. Уведевши же по сихъ твое радосное нарожение, мнози радовахуся и тобѣ радосная приношаху, глаголюще: радуйся, отроча добродушное и превтешеное, радуйся, детище всея благодати исполненое. Радуйся, пречудное нарожение свое нам являя, радуйся, многихъ людей тымъ обвеселяя. Радуйся, яко рука Г[о]с[по]дьня бѣ всегда с тобою, радуйся, яко велия пророчества быша при твоемъ нароженью. Радуйся, отцу своему глаголание навративый, радуйся, матери поношение неплодия отнявый. Радуйся, при твоемъ нарожении Пречистая Дева бяше, радуйся, и носящи всехъ Создателя тобѣ послужаше. Радуйся, отець твой, Захария, исполнися Духа Св[я]та, радуйся, и пророкуя пояше величая Хр[и]ста. Радуйся, чесный Предтече и Кр[е]ст[ите]лю Г[о]с[по]д[е]нь.

Кондакъ четверты.

Слышавши же Елизаветъ играние твое, Iоанне пресвяте, во чреве своемъ, исполнися Духа Св[я]та и возопи гласомъ велиим ко Богородици и рече: благославена ты в женахъ, и благославенъ плодъ чрева твоего, и откуду мне сее, да приде Мати Г[о]с[по]да моего ко мне, се бо, яко бысть глас привитания твоего во ушию моих, возыграся младенець радощами во чреве моемъ. Тем же и мы радующеся вопиемъ Г[о]с[по]ду Богу аллилуїа.

Iкосъ четверты.

Когда отверзошеся уста и языкъ Захарии, отца твоего, по рожестве твоем, Iоанне всеблаженне, исполнися Духа С[вя]та и пророчествова, г[лаго]ля: благословѣнъ Г[о]с[по]дь Богъ Израилевъ, яко посети и сотвори избавление людем своим. Радуяся даже и сконча. Тем же и мы радосная поем, тобе г[лаго]люще: радуйся, во младости своей напущи Г[о]с[по]ду послуживы, радуйся, вси мирския похоти для Бога опустивы. Радуйся, ты вина и пития упояющего не укусилъ, радуйся, ты ризу от шерсти вельблюжее на собе носил. Радуйся, многие люди ко Г[о]с[по]ду Богу навративый, радуйся, разныя языки житиемъ своимъ просветивый. Радуйся, ты пищу диви медъ и прузи поживалъ, радуйся, ты во Иордани людей приходящих крестил. Радуйся фарисеевъ и садукеев смеле каравый, радуйся, покаяние о гресехъ чинити повелевый. Радуйся, ты исповедь греховную уставилъ, радуйся, ты кающимся Ц[а]рство Небесное обещалъ. Радуйся, чесный Предтече и Крестителю Господень.

Кондакъ пяты.

Оу тебе вопрошаху иудеи, посланые от Ерусалима, г[лаго]люще: ты кто еси? И исповѣдалъ еси имъ, Iоанне премудре, яко несмъ азъ Х[ристо]съ, но гласъ вопиющего во пустыни, исправте путь Господень. Азъ крещаю вы водою, посреди же васъ стоить, его же вы не весте, той естъ грядый по мне, иже предо мною бысть. Мы же, познавши свѣдельством твоим Хр[и]ста, поемъ аллилуїа.

Iкосъ пяты.

Рече Г[о]с[по]дь І[су]съ о тобѣ, преизбранны Iоанне, яко не воста более тебе межи сынми нарожеными в женахъ. И яко жъ нѣдостойныи мы достойне можемъ тебѣ, Богомъ хваленого похвалити, но радостию влекоми, тобе радосная приглашаемъ, поюще: радуйся, Ноя праведнаго предъ Богом справедливейши, радуйся, Авраама верна словесемъ Г[о]с[по]дьнимъ вернейши. Радуйся, Исаака, ведена ко жертве, послушнейши, радуйся, Якова во чадехъ духовныхъ множайши. Радуйся, Леввия во племени своемъ достойнейши, радуйся, Іосифа во чистоте телесной краснейши. Радуйся, Іова во младости своей терпеливши, радуйся, Моисея в законе Божиемъ яснейши. Радуйся, Аарона въ жертовномъ чину св[я]тейши, радуся [так!], Елиазара въ Божиемъ ревновании смелейши. Радуйся, Исуса Наввина во бранехъ духовныхъ крепчейши, радуйся, Калефа во согледании земли обетованное хвальнейши. Радуйся, чесный Предътече и Крестителю Господень.

Кондакъ шесты.

Иже послани быша от фарисей вопросити тебе, что крещаеши, аще ты не иси [так!] Х[ристо]съ, ни Илия, ни пророкъ. Ты же, Iоанне св[я]те, отвещалъ еси имъ, г[лаго]ля: азъ крещаю васъ водою къ покаянию, греды же по мне креплей мене естъ, ему же несмъ достоинъ обуви понести, той вы крестить в Духу св[я]том. Тем же и мы крещеные поемъ аллилуїа.

Iкосъ шесты.

Неизреченное воздержание жития твоего видяще, дивимся, Iоанне достойне, ангела бо тя, во плоти с человеки на земли живуща, разумеваемъ. Темъ же и славяще паметь твою тобѣ радосная воспеваем, г[лаго]люще: радуйся, наставниче великий спасению, радуйся, приводяй грешныхъ къ покаанию. Радуйся, чудесъ Хр[и]стовыхъ извесное похваление, радуйся, душамъ немощнымъ подавая здравие. Радуйся, во Иорданской реце грехи омывая, радуйся, покаяние славне проповедуя. Радуйся, Агнеца Божия перстомъ показавый, радуїся, возъемлющего грехъ миру явивый. Радуйся, крещениемъ весь миръ обновляющи, радуйся, и темъ разумъ нашъ освѣщающи. Радуйся, всю силу бесовскую сокрушивый, радуйся, Ц[а]рствия Небеснаго путь показавый. Радуйся, чесный Предътече и Крестителю Господень.

Кондакъ седмый.

Иже от века неслыхано бысть, Сынъ Божий на Иорданъ прииде к тобѣ, Iоане, креститися. Ты же возбраняше ему, г[лаго]ля: азъ требую от тебе креститися, и ты грядеши ко мнѣ. Отвещав же ти І[су]съ и рече: остави ныне, тако убо подобно исполнити намъ всяку правду. Мы же Богу крещаемому поемъ радосне аллилуйа.

Iкосъ седмый.

Человекъ и Богъ явился еси, Хр[и]сте, на Иордани Iоанну быти, руками бо пречистую плоть Твою осязаше и гласъ с небеси от Бога Отца сведетельствуемъ слышаше: сей естъ Сынъ мой возлюбленный, о нем же благоизволихъ. Сего ради и мы с радостию вопиемъ: радуйся, Крестителю Г[о]с[по]да нашего І[су]са, радуїся, крестящегося прославивый Хр[и]ста. Радуйся, крещениемъ вес миръ обновивый, радуйся, крестящему хвалу воздавый. Радуйся, крещая и во водахъ Иорданскыхъ, радуйся, крестивъ с ними всехъ приходящихъ. Радуйся, крестився от тебе І[су]съ во Иордани възыйде, радуйся, крестящуся ему Дух Св[я]тый нань изыде. Радуйся, крещаема Хр[и]ста глас с неба слышал, радуйся, крестимому ему Бог Отець сведетельствовал. Радуйся, крещение во оставление грехом проповѣдуя, радуйся, крестящимся райские двери отвирая. Радуйся, чесный Предътече и Крестителю Господень.

Кондакъ осмый.

Фарисей и садукей виделъ еси, блаженне Iоанне, идущих на крещение, к ним же и г[лаго]ля: исчадие ехидново, кто скажеть вам убежати от приидущего гневу, сотворите убо плодъ достоинъ покаания. Тем же и мы, кающеся о гресехъ, поемъ аллилуїа.

Iкосъ осмый.

Разумъ ангелский подай намъ, хвалящимъ паметь твою, Iоанне пресвяте, ты убо есь болей пророка, о тобѣ писано естъ: сѣ азъ пошлю ангела своего предъ лицем твоимъ, иже уготовить путь твой предъ тобою. Тем же и мы поемъ тобе таковая: радуйся, смелейши смысломъ Гедеона чуднаго, радуйся, силнеши духомъ Самсона моцнаго. Радуйся, смиренеши серцем Самуила чеснаго, радуйся, умилнейши пением Давыда терпеливаго. Радуйся, множайши разумом Саломона мудраго, радуйся, совершенши иночествомъ Илии ревниваго. Радуйся, сладши друголюбствомъ Елисея щедраго, радуйся, яснейши пророчеством Исаи богословиваго. Радуйся, болши терпениемъ Еремии плачливаго, радуйся, вышши видением Езекииля богозримаго. Радуйся, прозорнейши умомъ Данила жадостиваго, радуйся, святейши душею Варуфа послушливаго. Радуйся, чесный Предтече и Крестителю Господень.

Кондакъ девяты.

Ангельскому житию твоему дивящеся, Iоанне чесый [так!], молитвы приносимъ, вси бо пророци и законъ до тебе прорекоша сведетельствующу Г[о]с[по]ду нашему І[су]су Хр[и]сту, ему же вернии поемъ аллилуйа.

Iкосъ девяты.

Недоумеемъ достойне славити тя, достойный всякое хвалы Божий Предтече и Крестителю Iоанне, толико любовию влекоми дерзнухомъ пети тобѣ таковая: радуїся, ангелское житие нам являя, радуйся, всяку язву отгоняя. Радуйся, взорѣ кротости, радуйся, зерцало терпеливости. Радуйся, светило неугасаемое, радуйся, солнеце праведное. Радуйся, оучителю Божиих заповедей, радуйся, справителю многих людей. Радуйся, истиннаго наказателю разума, радуйся, тайнаго подателю ума. Радуйся, мирскую славу опустивы, радуйся, пустынную жызнь изволивы. Радуїся, чесны Предтече и Кр[е]ст[ите]лю Г[о]с[по]день.

Кондакъ десяты.

Царя Ирода четверовласнаго смеле каралъ еси, Iоанне св[я]те, жены ради Филипа, брата его, ея же неподобаше ему имети, и той повѣле тя въ темници затворити. Ты же, седяй в ней, пояше Богу аллилуйя.

Iкосъ десяты.

Иже прихожаху к тобе на Иорданъ народи креститися, и вопрошаху, г[лаго]люще: что сотворим? И ты душеполезную навуку всем подаяше, тем же и вопияху тобѣ поюще: радуїся, обличителю пресладки, радуїся, наказателю преумелый. Радуйся, милостыню творить повелевая, радуйся, и неимеющихъ ризами и брашном спомагая. Радуйся, мытарем начав г[лаго]лати, радуйся, повеленная имъ казав чинити. Радуйся, воемъ давый добрые науки, радуйся, иже доволнымъ быти своими оброки. Радуйся, и повелевъ имъ никого не обидити, радуйся, к тому другу друга не оклеветати. Радуйся, Спаса всемъ показавый, радуйся, и тому ся чесне поклонивый. Радуйся, чесный Предтече и Крестителю Г[о]с[по]д[е]нь.

Кондакъ одиннадесяты.

Слышалъ есь, Iоанне Крестителю, во темници седяй, дела Хр[и]стова и послалъ дву от ученикъ своихъ вопросити от него: ты ли еси грядый, чи ли иного чаемъ? Отвещавъ І[су]съ и рече имъ шедше: возвестите Iоаннови, яже слышасте и видесте. Мы же, уведевши сия, поемъ аллилуїа.

Iкосъ одиннадесяты.

Когда отидоша ученици твои, начатъ І[су]съ народомъ г[лаго]лати о тобѣ, Iоанне, прехвалне: почто изыдосте во пустыню видети пророка ли? Ей, г[лаго]лю вамъ, яко болши ес[т] пророка. Тем же и мы недостойнии хвалим тя, поюще: радуйся, Осии пророка чеснейши, радуйся, Иоиля св[я]того славнейши. Радуїся, Амоса пастыря терпливши, радуїся, Авдея раба Г[о]с[по]дьня достойнейши. Радуїся, Ионы голуба послушнейши, радуйся, Михея морастена св[я]тейши. Радуйся, Наума втешителя умилнейши, радуйся, Авакума воина крепка силнеїши. Радуїся, Софонии стража прозорнейши, радуйся, Аггея веселаго краснейши. Радуйся, Захарии паметнаго полнейши, радуйся, Малаха ангела яснейши. Радуйся, чесны Предътече и Крестителю Господень.

Кондакъ дванадесяты.

Усекнувши спикуляторъ пречесную главу твою, Iоанне, по повелению Іродову и, принесши на блюде, далъ ю девици, и девица дала матери своей. Слышавши же ученици твои приидоша и взявши тело твое и положивше во гробѣ, возопиша ридающе къ Господу Богу аллїлуїа.

Iкосъ дванадесяты.

Слышавше вси людие ангелское на земли, Iоанне, житие твое, Бога во Троици единаго хвалять и тобѣ, сущему на небесехъ, радосная приносять, поюще: радуйся, учителю небеснаго жития, радуйся, сведетелю Хр[и]стова во плоти пришествия. Радуйся, пророче болей иных пророков, радуйся, после Божи славнейши апостолов. Радуйся, пустыннику, мирскою честию и богатествомъ погордевый, радуїся, постнику, от младости Богу послуживый. Радуйся, девственнику душею и теломъ, радуйся, мученику, пресилный разумом. Радуйся, исповеднику претихий, радуйся, иноку предивный. Радуйся, души моея радование, радуйся, ума моего навчение. Радуйся, чесный Предтече и Крестителю Господень, Iоанне.

Молитва по акафїсту.

Г[оспо]ди І[су]се Хр[и]сте, Боже нашъ, родивый ся от Пречистое Девы нашего ради спасения и обрезавы ся плотию для ветхаго закону наполнения, во мужстве же прешедый на Іорданъ от Iоанна креститися, тайну Живоначалное Троице намъ явилъ есь и новое нарожение въ животъ вечный водою и Духом Св[я]тымъ уставил есь. Тобе ся молимъ, преславнаго ради богоявления своего и пречесного для Крестителя Твоего отпусти грехи наша. Ты же, св[я]тый Iоанъне Предтече Божий, прими от недостойных радости сие и умоли Царя небеснаго, его же во Иордани крестил еси и о нем же ясне сведетельствовалъ еси, да подасть намъ на земли миръ, грѣхом очищение, немощнымъ здравие, смутнымъ потешение, ненадежнымъ надежу, воюющим ся за веру Христову победу, пленником избавление, нагимъ одеяние, сиротам хлебокормление, по морю плывающим тишину, во путь шествующимъ пристанище, обидимым споможение ї всемъ хрестианом спасение, а по смерти Ц[а]рство Небесное, яко единъ Человеколюбець и Богъ нашъ.

Доконанъ естъ акафїстъ Богу во Троици единому ко чти и св[я]тому всехвалному пророку Божию, Предтечи и Крестителю Г[о]с[по]дьню Iоанну працею и пилностию в лекарских навукахъ доктора Франциска Скорины из славнаго града Полоцька.







Hosted by uCoz