Гісторыя Беларусі IX-XVIII стагоддзяў. Першакрыніцы.


Загароўскі зборнік. "До Святителя"

Ни единѣхъ даровъ лучшихъ обрѣто[х]омъ,
но иже святыни вашей принесохомъ.
Словеснаго меда слухови подати
и цѣлованiе честное отдати.
Радуйся духомъ, пастыру нашъ милый,
со учениками, отче благоименный,
Ихъ же собираешь любочадно зѣло,
отъ разныхъ возрастовъ въ духовное тѣло.
Во кротости духа сiя обходяще
и на пашу жизни усердно водяще.
Или яко вѣнецъ благовонныхъ цвѣтовъ,
наказуючи насъ спасенныхъ обѣтовъ.
Поелику даровъ Богъ ти подаровалъ,
на лучшую славу собѣ уподобалъ,
потолику большiй въ любви источникъ
быти желаеши, Богу собесѣдникъ,
Христови своему вѣрно подражая,
во дни же и нощи сему работая.
Зъ духовными отцы возрадуйся днесь,
яко Господь отцемъ ражается Христосъ,
Отецъ и Владыка, Пастыръ и Младенецъ,
иже подаруетъ и вамъ оный вѣнецъ,
Его же во царствiи вѣрнымъ обѣтуетъ,
идѣже съ святыми вѣчно господствуетъ.
Во многiи лѣта, въ Того благодати,
нехай вамъ даруетъ благоденствовати,
душею и тѣломъ купно здравствовати.
Истиною сердца сего вамъ желаемъ
и благолѣпными голосы витаемъ.
Любезно слышати уха наклонѣте,
худости нашея словеса прiймѣте.
Богъ, Царь нашъ, зъ дѣвы плотiю исходитъ,
возлюбленный Христосъ отъ небесъ приходитъ.
Намъ же праздновати сiя позоставилъ,
со ангелы купно абы и васъ прославилъ.
Тому славу всюды вся тварь воспѣваетъ,
и царство Его во вѣки трываетъ [...]

Загароўскі зборнік


Hosted by uCoz