Гісторыя Беларусі IX-XVIII стагоддзяў. Першакрыніцы.


Загароўскі зборнік. "О лжепастырех"

Горе онымъ, иже церковь изражаютъ
и за имѣнія вѣру продаваютъ,
якъ жиды Іудѣ цѣну поставляютъ,
Оставляютъ Востокъ и бѣгутъ на Западъ
и многимъ вожами поспѣшными во адъ.
Мимо права святого людскихъ наслѣдуютъ
и слова Божого ни мало пріймуютъ.
Славы бо и чести на землѣ шукаютъ,
До всякои ереси ради ся злѣпити,
а святую вѣру хотятъ развратити.
Суди жъ имъ, Господи, отъ мыслей отпасти,
и насъ же избави отъ той прелести.
Вы же, православныи, Господа любите,
матку духовную честію почтите,
Восточнои церкви уставы храните
и за отступными пастырьми не йдите.
Не даетъ Богъ славы своеи никому
и хочетъ служити намъ Ему самому.
И вы, отъ Сіона, Рима не шукайте,
и непобожнои едности бѣгайте.
Ни, свѣтъ бо темности не поработаетъ,
но всегда собою темность отгоняетъ.
Такъ святая вѣра свѣтла есть и свята,
безъ змазы и ересей, яко дѣва чиста.
Отъ самого Христа до насъ возсіяла
и отъ апостоловъ людей освѣтила.
Всю бо вселенную они научили
и за неи крови свои проліяли.
И на вся языки дали епископы,
Богу позыскавши, якъ честныи снопы.

Загароўскі зборнік


По реальным ценам электрический кромкорез предлагаем всем желающим.

Hosted by uCoz