Гісторыя Беларусі IX-XVIII стагоддзяў. Першакрыніцы.


Загароўскі зборнік. "О латынской гордости"

Але во остатній вѣкъ гордыи римляне
почитаютъ свое, якъ Божіе созданіе.
Мѣстца апостоловъ мнятся содержати,
а ихъ обычаевъ не любятъ хранити.
И все противное дѣлаютъ Христови,
и не послѣдуютъ святому Петрови.
И Божую славу мiрскою покрыли,
и духовный разумъ плотскимъ измѣнили.
Запремо жъ ся такихъ апостоловъ новыхъ,
да не отлучаютъ насъ любвей Христовыхъ.
Святыи папѣжи первые блаженны,
ижъ муки за Христа были сподобленны.
И тыи истинно Христови служили,
и для христіановъ души положили.
Якихъ теперъ церковъ Римская не маетъ,
и съ жидами дружбу и любовь ховаетъ.
Христови и церкви зѣло есть противна
и до Восточнои матки не покорна.
Але вы, вѣрныи, мачоху минайте,
святую отчизну зѣло заховайте.
И не послѣдуйте гордому народу,
держите со Христомъ пресвятую згоду.
Не подобаетъ намъ слабовѣрнымъ быти,
да не заведутъ насъ от вѣры зблудити.
Кто православной вѣры отступаетъ,
такій со святыми жребія не маетъ,
Убогъ такій и нагъ, душа его мертва,
и самъ есть гнусная грѣховная жертва.

Загароўскі зборнік


Все категории грузов, контейнерные железнодорожные перевозки.        Тренажеры интернет магазин и еще.

Hosted by uCoz