Гісторыя Беларусі IX-XVIII стагоддзяў. Першакрыніцы.


Загароўскі зборнік. "Вѣра что есть"

Вѣра есть даръ Божій и людей спасаетъ,
але злая ересь души погубляетъ.
Вѣра праведниковъ на судѣ прославитъ
и предъ лицемъ Божіимъ съ святыми ставитъ.
Вѣра спасенію пріятель зичливый
и наставникъ грѣшнымъ, и путь добротливый.
Вѣра до царства Божіего приведетъ,
а ересь въ пагубу вѣчную заведетъ.
Вѣра и отъ смерти многихъ избавляетъ,
и слугамъ Божіимъ въ бѣдахъ помогаетъ.
Вѣра живетъ съ Богомъ и въ ней всѣ во Бозѣ,
и вѣрныи души ставаются блази.
Вѣра христіаномъ все творити можетъ,
сила бо Божія таковымъ поможе.
Тѣсною стезею до Христа приходятъ,
але широкою въ пагубу отходятъ.
Не хотѣмо жъ Христа снова роспинати,
ани крещенія второ поновляти.
Не слухайте лживыхъ учителей новыхъ,
иже отлучаютъ отъ бесѣдъ Христовыхъ.
Западная мати не насъ породила,
але прегордыи дѣти исплодила.
Блудная бо церковь нѣсть Христова дѣва,
держащая кубокъ Господнего гнѣва.
Скверная, сквернити людей навыкаетъ
и от спасенія хитро отдѣляетъ.
Превелія бѣда Риму работати
и новаго Христа себѣ измышляти.
Премногая жъ цнота Сіону служити
и Святого Духа уставы хранити.
Якъ чистое злато, Господніи слова,
сильнѣйшая огня отъ устъ Его мова.
Изъ Іерусалима вѣрнымъ даровано
и всю вселенную Богови призвано.
Восточная церковь — правдивая мати,
весь свѣтъ породила духомъ благодати
и чистою дѣвою Христу обручена,
тѣломъ и кровію Его освященна.
Иже прегордому папѣ не голдуетъ
и Христу цареви вѣру захо[в]уетъ.
Златоструйный потокъ, любимицы, пійте,
отческую вѣру хранити умѣйте.
Якъ святыи книги намъ оповѣдаютъ
и всякую ересь явно обличаютъ.
Памятайте пыльно о убогомъ Христѣ,
который за люди умиралъ на крестѣ,
И на поклонную Оного покору,
иже росказуетъ ангельскому збору.
Якъ за наши грѣхи безчестіе пріялъ
и насъ отъ падку милостію поднялъ.
Не мнимайте жъ папу Христову особу,
ани чудитеся на его оздобу,
Иже есть змышленный, не Христовъ апостол,
и похитительно держитъ Его престолъ.
Наука и животъ нѣсть ему духовный,
яко блаженный апостолъ верховный.
Познавайте жъ разумно пастыри и волки
и не лучитеся въ невѣрныя полки.
Не хочетъ Богъ едности не по Его волѣ
и за то караетъ, абы его знали,
Потокомъ и огнемъ непокорныхъ,
тылу и грѣхови и мирови вгодныхъ.
Великъ есть Богъ, Судія грозный всему свѣту,
предъ которымъ стануть папы того вѣку,
Которые смѣютъ Христовы декрета
вельми зневажати для марнаго злата,
Ламлючи каноны и вызнанье вѣры,
и власти шукаютъ, яже вышшей мѣры.
Жидовскій опрѣснокъ честію почтили,
а тайную вечеру Христову змѣнили.
Якъ мертвого трупа, оплатка глытаютъ,
а Христа живого въ хлѣбѣ отмѣтаютъ.
Посполитый народъ, без крове Христовы
сакраментуючи, утѣшаютъ словы.
И дѣти малыи съ ними отлучаютъ,
о горе, о горе, и сами згибаютъ.
Тамъ правдивый агнецъ съ костела изгнано,
абы жидовскую пасху праздновано.

Загароўскі зборнік


Hosted by uCoz