Гісторыя Беларусі IX-XVIII стагоддзяў. Першакрыніцы.


Загароўскі зборнік. "Церкви своей Христос помогает"

Але Христосъ убогой церкви помогаетъ
и во гоненіяхъ сію утвержаетъ,
Иже зневолена, якъ Іосифъ, во оковы
и поношеніе поноситъ Христовы.
Врази креста Христова еи утѣсняютъ,
але терпѣнія не преодолѣваютъ.
И так Бога славитъ, ижъ, въ немощи сильна,
и межи турками Господеви вѣрна.
И ты, русскій роде, теперь утвержайся,
межи ересями во вѣрѣ мужайся.
Воля есть Господня намъ нынѣ терпѣти,
а міролюбцамъ время богатѣти.
Научивъ насъ Христосъ міръ сей не любити,
и Его и вѣру надъ душу любити.
И не на роскоши апостолы пославъ,
на бѣды и скорби ити имъ завѣщалъ.
И безоружніи на брани послани,
абы были ими языцы спасени.
И не философы, але рыболовцы,
невѣжи, простыи и не красомовцы.
Смотрите же Петра, кгды сѣти оставивъ,
якъ всю вселенную Богови уловивъ.
Весь ликъ апостольскій яремъ Христовъ несли
и насъ, яко дары, Господу принесли.
Не искатули [так у Добротворского – О.Л.] златомъ себѣ наполняли,
але насъ спастися отъ муки призвали.
Безъ поваги ходили пѣшими ногами,
ихъ поставилъ Богъ на землѣ князями,
и благочестіе всюду насадили
и черніе грѣха сильно погубили.
То ихъ былъ прибытокъ — за Христа умрѣти
и братолюбіемъ Ему угодити.
Вся имъ вселенная скарбы отворила,
але ихъ нищета Богу приближила.
Честный отче папо, якъ же Христа чаешь,
и святого Петра якъ тамъ превитаешь,
Кгды будетъ судити и тебѣ и другимъ,
и дастся заплата и грѣшнымъ и благимъ?..
Блаженни жъ нищи, иже Христа ради,
але богатіи найдутся во адѣ.
Нищета Петрова богатыхъ посрамитъ,
которыи его слухати не хотятъ.
Гдѣ жъ покора, гдѣ любовъ, гдѣ тая наука,
Ихъ же Господь други Ему именовалъ,
на которыхъ Духа отъ Отца изліялъ?..

Загароўскі зборнік


Hosted by uCoz