Гісторыя Беларусі IX-XVIII стагоддзяў. Першакрыніцы.


Загароўскі зборнік. "Дар душевредный"

Знайте, христіане, що папѣжъ вамъ даетъ,
слуга изъ милости вольность обѣщаетъ.
Милостивымъ лѣтомъ людей поманили
и напротивъ Богу право ухватили.
На пѣнязи певніи отпустъ розсылаютъ
и на грѣхъ охоту людемъ повѣдаютъ.
Безцѣнныи души тмами погубили
и благочестіе зъ людей разорили...
А чому жъ до чистцу бѣсовъ не пошлете
и милостивого лѣта не подаете,
Жебысте и ангельми могли учинити,
поневажъ хочете въ небѣ рядити?..
Западный костеле, Христовъ декретъ прійми,
иже на судный день услышишь, воспрійми.
Не вбивай, не блуди и пыху поверзи,
и ересь и кламства отъ себе отверзи.
Праведникамъ указуй стати на правицѣ,
а беззаконникомъ мѣстце на лѣвицѣ,
А третьяго чистца встыдайся змышляти,
злыи бо не могуть Бога оглядати.
Если Адамъ былъ въ чистцу, а съ нимъ и всѣ люде,
по вашей науцѣ якъ то правда буде:
Мусилъ и Христосъ до чистца вступити,
могъ бы и намъ въ письмѣ о томъ дати знати?..
Але святыхъ души отъ ада изводилъ,
до которыхъ Господь подъ землю въ бездну нисходилъ.
И царь Давидъ писалъ, ижъ выйдетъ изъ ада
душа его потомъ, и дождалъ Господа.
Не лжите на Бога, учители грѣха,
и не насѣвайте прелестнаго духа...

Загароўскі зборнік


Для вас в нашей организации брелоки pvc по невысоким ценам.

Hosted by uCoz