Гісторыя Беларусі IX-XVIII стагоддзяў. Першакрыніцы.


Загароўскі зборнік. "О прелестях Римских"

О великій Риме, такъ прелести родишь
и всякіи злости ты вже переходишь,
Абысь антихриста мѣвъ себѣ любовна,
котораго воля Богови противна.
Готовишися его, якъ Христа, пріяти
и послушаніе оному отдати, —
Сына погибели, церковнаго врага,
котораго злыи мѣтимутъ, якъ Бога.
Ажъ духомъ устъ Христовыхъ будетъ убіенный
и зо всѣми его въ муки воверженный.
О великій Риме, чомъ отъ Бога блудишь
и нечистотами всего міра губишь?
Всѣ бо отщепеньства въ тебѣ гнѣздо маютъ,
и всякіи блуды тебе не минаютъ.
Плотиугодницы твои епископы,
а церкви Христовой злыи апостаты,
Иже только пѣняжный законъ заховали
и купами людей до пекла погнали.
Безъ покаянія спастися повчаютъ
и отпусты свои за злато мѣняютъ.
И блуды, и вбійства людемъ разрѣшили,
которы бы имъ сребро приносили.
Забыли каранье страшливой помсты
всесильнаго Бога за оныхъ лакомства.
Але познай каждый, Богу вѣрный рабе,
ижъ преступленіе отъ Запада иде,
И зрады, и фальши, и хитріи власти
разшираются зъ адовы пропасти.
Аще мы умолчимъ, камень возопіетъ
и блажащихъ злобу гнѣвъ Божій побіетъ.
И явно, и тайно Церкви ворогами,
абы нареклися земными панами.
Вмѣсто власяницы — царскіи порфиры,
одѣяніе ихъ — яже вышей мѣры.
Многими дворами домы ихъ содержатъ,
и брани, и битвы на царства творятъ.
Жабоястный народъ, влоскіи пастыри
на Христа и Петра влагаютъ потвари.
Але Христосъ Петра жабами не кормилъ,
ани устенъ его жабами не сквернилъ.
Токмо видѣніе на прикладъ показалъ,
абы и погановъ до вѣры пріймовалъ.
Ани Предотеча саранчи не вживалъ,
але зеліями и медомъ ся питалъ.
Такъ и всѣ святіи сквернымъ ся брыдили
и чистыми себе покарми питали.
Не красили себе, якъ блудныи жены,
и для того были Христу прилучены.
Нынѣ жъ багряница — то папина слава,
понеже и самъ есть блудничая глава.
Его же мнозіи люде наслѣдуютъ,
которіи вѣрно Христу не пріяютъ.
Называючися имя христіаны,
дѣла же ихъ творятъ, яко же поганы.
Але, Христе-царю, Самъ Ты насъ сохрани
и насъ отъ такои прелести измѣни!..

Загароўскі зборнік


Hosted by uCoz