Гісторыя Беларусі IX-XVIII стагоддзяў. Першакрыніцы.


Загароўскі зборнік. "До благочестивых"

О милые друзи, всѣ вы христіане,
познавайте отъ нихъ ваше ошуканье.
Не напивайтеся зъ горького студеньца,
смердячаго грѣхами даже и до коньца.
Святои жъ науки себе научайте,
тую же и чадомъ своимъ надавайте.
Вже вамъ латынницы глупство причитаютъ,
а сами все злое въ людехъ умножаютъ.
Ихъ же училища ересь разсѣваютъ
и, яко же ядомъ, души забиваютъ.
Що есть Богу не мило, и вы понихайте,
и святыи книги свои почитайте,
въ которыхъ наука, и мудрость, и цнота,
побожность, и разумъ, пречестнѣйшій злата,
Умаляютъ грѣховъ, множатъ добродѣтель,
будетъ книголюбецъ душею пресвѣтелъ.
Письмо свято и чисто, богодухновенно,
и любящимъ его благо и спасенно.
Книги — духовныи раи, разумныи цвѣты,
приводятъ насъ Христови воздати обѣты.
Книги — солнце душамъ, мысли освѣщаютъ,
книги грѣховъ черность въ людехъ убѣляютъ.
Книги въ юности премудрыми творятъ,
простыхъ и невѣжовъ ритори сотворятъ.
Ни Платонъ, ни Пифагоръ, ниже Аристотель,
не обрѣтается духовный сказатель,
Съ которыхъ латины наукъ ся повчаютъ
и безумную Русь къ собѣ потягаютъ.
Молю жъ, Христа ради, на прелесть не йдите,
ани чада ваши на зло не ведите.
О Христѣ братіе, о русскіе чада,
избавите себе отъ темнаго ада.
Не въ школахъ латинскихъ розумъ купуйте
и ихъ трутизнами души не питайте.
Погубите вѣру и святую славу,
аще суетную ищите забаву.

Загароўскі зборнік


Hosted by uCoz