Гісторыя Беларусі IX-XVIII стагоддзяў. Першакрыніцы.


Загароўскі зборнік. "О крещении Руском"

Володимеръ великій васъ у вѣру крестилъ
и отъ идольской темности освѣтилъ.
А то Богъ даровалъ зъ милости благои,
абы прилучилъ васъ до воли своеи,
Ижъ мертвымъ идоломъ служити престали
и живому Богу сынами зостали,
Кгды съ Востоку святая вѣра возсіяла
и многобожную прелесть погасила.
Зъ Константинополя, отъ св. патріарховъ
просвѣщены есьмы; восточных іерархов
любите жъ и чтите восточныи права,
и пробудетъ съ вами правдивая слава.
Чому жъ есте вѣру марне отступили
и еретицкіи науки влюбили?
Чому церковь Божію нищую творите,
чому о збавенью своемъ не радите?..

Загароўскі зборнік


Hosted by uCoz